Би цээж бодолтоор 2011 оноос хичээллэж эхэлснээр өөртөө итгэх итгэл улам нэмэгдэж зөвхөн улсдаа гэлгүй олон улсын тавцанд амжилт гаргаж чадах юм байна гэсэн итгэл бий болсон. 2012 онд Герман улсад зохиогдсон Цээж бодолтын Дэлхийн Цомын тэмцээний “Хүн хуанли” төрөлд өрсөлдөж цом, алтан медаль хүртэн дэлхийн дээд амжилтыг тогтоож чадсан. Мөн тухайн жилдээ Турк улсын Анталя хотод болсон “MEMORIAD” оюуны олимпод оролцон цом, алтан медаль хүртэж дэлхийн шилдгүүдийн тоонд бичигдсэн гайхалтай амжилтыг гаргаж чадсан билээ.

Т.Мягмарсүрэн

2012 оны Цээж бодолтын дэлхийн цомын аварга

Цээж бодолтоор хичээллэсний үр дүнд миний анхаарал төвлөрөлт сайжирч зөвхөн цээж бодолтоор гэлтгүй Ерөнхий боловсролын бүх төрлийн хичээлдээ жигд сайжирч чадсан нь хамгийн том давуу тал байсан. Мөн цээж бодолтын дотоод болон гадаадын уралдаан тэмцээнд тогтмол оролцож байна. Хамгийн том гаргасан амжилт маань АНУ-ын Лас Вегас хотод болсон 2016 оны Оюуны олимпын тэмцээнээс мөнгөн медаль хүртэж байсан.

Б.Биндэрьяа

2016 оны Оюуны олимпын мөнгөн медальт

Монголын Оюун Ухааны Академийн Цээж бодолтын сургалтад суралцсандаа би маш их баяртай байдаг. Учир нь хурдтай цээжээр бодох 4 аргын тоололд суралцаж чадсанаас гадна тэрхүү сурсан мэдлэг, чадвараараа олон улсад очиж өрсөлдөн Турк улсад болсон цээж бодолтын олон улсын тэмцээнээс мөнгөн медаль хүртэж улс орныхоо нэрийг өндөрт өргөж ээж, аавыгаа баярлуулж чадсан. Тоо бодно гэдэг бол тархины маш чухал дасгал юм.

Б.Хангал

2015 оны Олон улсын цээж бодолтын тэмцээний мөнгөн медальт