Монголын Оюун Ухааны Академиас хүүхдийн оюун сэтгэхүйг түргэн бодолтын тусламжтайгаар хөгжүүлэх “Хуруундай” хөтөлбөрийг хэрэгжүүлж буй бөгөөд түүний хүрээнд гэрээт салбар болон академийн харьяа сургуулийн багш, сурагчид харилцан туршлага солилцох, хамтран ажиллах, сурагчдын сэтгэн бодох авьяас чадварыг нээн илрүүлэх, өөртөө итгэх итгэлийг нэмэгдүүлэх, алдаршуулах, бие биенээсээ суралцах, бахархах боломж олгоход уг тэмцээний зорилго оршиж байдаг билээ.

Энэ удаагийн тэмцээнд Монголын Оюун Ухааны Академийн Улаанбаатар хот болон орон нутгийн гэрээт салбарууд, “Язгуур” бага сургуулийн нийт 150 тамирчин 10 оронтой 10 тооны нийлбэр, 8 оронтой 2 тооны үржвэр, Флаш Анзан болон Хүн Хуанли гэсэн үндсэн 4 төрлөөр хоёр насны (8-аас доош, 9-12 нас) ангилалд оюуны өрсөлдөөнийг өрнүүллээ.

Эх орныхоо нэрийг олон улсын түвшинд гаргах бяцхан тамирчдадаа баяр хүргэж, дараа дараагийн тэмцээндээ илүү амжилттай оролцож чансаагаа ахиулаарай гэж хүсье.

Сурагчдаа амжилттай бэлтгэж оролцуулсан багш нар болон сурагчдынхаа гэр бүлийнхэнд нь баярласан талархсанаа илэрхийлье.

МОНГОЛЫН ОЮУН УХААНЫ АКАДЕМИ

2022.02.28